صديقي فنجان قديم ..!!
قاعد معايا
فنجان قهوتي
نظرة منه ليا
لمحت سكتي
نظرة مني ليه
عرفت الحكايه
اصل الحكايه
عذابي في وحدتي
برعشه من ايديا
ضمت فنجاني ثانيه
بصيت جوا قلبه
ردد بكلمه تانيه
خلاص مفيش نصيب
هتعيش من غير حبيب
واوعاك تقول هكابر
اعشق ، احب ، اعافر
قلبك لو طاله جرح
جرحك ملهوش طبيب
قلبك مسكين وماله
عابر سبيل في حاله
امره خلاص انقضي
يفضل عايش غريب
*************
بدمعه من عنيا
شقت طريقها للفنجان
وقعت جوا منه
ظهر لي في الحال عنوان
بيت جوه فاضي
مهجور المكان
مكان جوا هادي
مجهول الزمان
زمان ايوا كان
في قلب دا المكان
انسان مكنش عادي
ماسكه ايديه فنجان
حزين دايما وهادي
شريد سرحان يوماتي
فجاءه اختفي مع انه
سايب ذكري في حياتي
سألت مره عنه
جرسون فهمني انه
في يوم من الايام
قرب فنجانه منه
رعشه هزت ملامحه
نفضت جسمه كأنه
راحل بلا عنوان
مسبش حتي اسمه
ترك خلاص دنيته
طلٌق عذاب وحدته
صاحبه الوحيد فنجان
رحل معاه لاخرته
************
فهمت ان صاحبي
فنجاني عاوز يقولي
دورك هو اللي جاي
جهز حالك وسبني
واياك تكون فكرني
هنساك في يوم اكمني
فنجان قديم ، ولكن ..
احساسي بيك اسرني .
0 التعليقات:
إرسال تعليق