مقتطفات شعرية رومانسية راائعه
بترمح وتفرح في حزنك ساعات
وتنسى الحقيقة الخنيقة ف ثبات
وترجع وتبكي في فرحك لانك
أسير جوا حزنك وذكرى اللي فات
ومن الصبر ماقتل..!!
لما الصبر ذاته يقولك يابني بكفياك
صبر الزمن كله راح وانقضي وياك
سؤال جوابه محتاجة من قلبك
لساك من العشق دايب رغم الالم جواك ؟؟
ياخي ملعون ابو صبري اللي علمك الصبر
ان كان علامة هيحفر لرجولتك القبر
مستني ايه تاني ؟؟ مبقاش خلاص في العمر
ولا بقيت كييف تشرب من ايديها المُر
يابني افهم لعبه انثي في الاصل مش ريداك
اطلب في يوم قربها تلقي ف جوابها هلاك
داعب بشوق حلمها تصبح كابوس جواك
تسمع دقات قلبها " ابعد مانيش حساك "
اوعاك تقولي راح احاول تاني بس الصبر
يمكن من عشقي ليها ترجع حبيبه العمر
انا حلمي ليها وبيها اكيد بحلم
سبني اعيش صابر قدري ونصيبي المُر
اللعبه ...!!
وانا صغير شالت ايديا اللعبه ..
عاوز اخدها في حضني ..
قالي ابويا سيبها ..
بصيت لابويا لفوق ..
سئلت عنيا بدمعه ..
طالت نظرة عنيه ..
رجع السؤال اشمعني ..
رفض الجواب في الحال ..
خيبه امل وسؤال ..
عايش عشش في عقلي ..
يمكن عشان المال ؟؟
بسمة عنيه واتكلم ..
طبطب عليا وسلم ..
وف حضنه همسلي وقال ..
افهم ياواد واتعلم ..
مش كل لعبه تشوفها ..
تجري عليها تاخدها ..
الدنيا لعبه كبيره ..
أخرك تزورها تشوفها ..
إن جيت في يوم حبتها ..
تلعب معاها في بيتها ..
نفسك تعيش لذتها ..
كمل ,, ودوق لدغتها ..
الدنيا زي المره
إن جيت في يوم حبتها ..
عشقتها وانيتها ..
برموش عنيك خبتها ..
هيجي عليك اليوم ..
تدوس عليك جذمتها ..
اثبت , قلبك في ايدك ..
عقلك , يسبق حنينك ..
مش كل شئ يتحب ..
مش كل شئ هيفيدك ..
يابني اللي شب وطب ..
كل اللي شافه وحب ..
اكيد مصيره التيه ..
عايش جريح القلب ..
0 التعليقات:
إرسال تعليق