مرايا الحب ..!!
صعبان عليكي نفسك ليه
ودموعك راح تعمل ايه ما القصه من الاول باينه
وياما انا قولت بلاش انسيه
بس مرايا الحب العاميه
كالمعتاد بتبعنا في ثانيه
وتخلينا نعيش الوهم
جايز الوهم يكون حاجه تانيه
مش شمتان والله استني
قولت كتير وهواكي تعاندي
قبل الحكم ياريت تتأني
غمضي عينك واسمعي مني
عمر ماكان الحب ف كلمه
مش بالكلمه لكن بالمعني
فين المعني قوليلي عليه
كدبه الابدي معاه شوفتيه
ظلمه لنفسك ليل ونهار
حبك ليه زلزال جبار
هو انا عايش بيكي من غيرك
وانتي تردي في بعدك نار
هو كلامx كلام Xكلام
فعل مفيش بياع احلام
سابك مره ورجعتيله
سابك تاني اتذللتيله
كنتي في نظره كيان بهتان
ملهوش سيره ولا عنوان
كنتي مجرد لعبه جميله
كانت حلوه في عينه زمان
بس اللعبه بقت مكسورة
رد بكلمه حزينه في صوره
انا مش ليكي خلاص ياحبيبي
انا عمري ماكنت ف يوم ليكى
انسي حياتى وعيشي حياتك
وانا هدعيلك تنسي ماضيكي
قصه قديمه وبتتعاد
كل يومين لا كل ساعات
بس مرايا الحب العاميه
كالمعتاد بتبعنا في ثانيه
امسحي يلا دموعك فوقي
خلي دموعك دايما غاليه
0 التعليقات:
إرسال تعليق