عقل باطن - ياكدابين الزفه يابخاخين السم

عقل باطن - ياكدابين الزفه يابخاخين السم

ياكدابين الزفه يابخاخين السم
ياملهوفين ع الدنيا يامصاصين الدم
الدنيا دواره والساعه ليها شارة
وقت الدموع اترفع ولاراح يفيد الندم
رب العباد شاهد ( صابر لانه الصبر )
أخرك نقول مترين أخرك في بيت العدم
أهلك وناسك دود هيئذئذوق في القبر
ومسيرك بكل هدوء تعرف معاني الألم

عقل باطن ..!!

قررت بنفسي لغيري اعيش
علشان اعجب ناس عايشين
وأغير بدل الوش وشوش
مليانه افراح مع أني حزين
قررت اغير لون عيني
م الاسود تبقى عيوني الوان
يمكن اقدر اشوفهم مرة
زي بتوع السيما زمان
اضحك ليهم وابكي لنفسي
وانسى انا مين
وارتاح من نفسي
واقلب كل حياتي جنان
لأ و كمان
مش هشكي همومي
انا راح اكون فرفوش من يومي
واحلم كل ما اقوم من نومي
رغم همومي اعيش فرحان
بس ازاي راح اعيش وسطيهم
بروح غير روحي عشان ارضيهم
واضحك واستر على بلاويهم
واعمل نفسي مانيش زعلان
اوعى تجيلي في يوم تعاتبني
انا مش نفسي عشان تحاسبني
لا تبكيني ولا تبكتني
ولا حتي تفكر تعايرني
اني في يوم اخدت قرار
ابدل وشي بوش هزار
بس انا عارفك زي زمان
راح ترجعلي تقول تعبان
لما الوش الاصلي تسيبه
وتلبس وش ( made in taiwan )

تصنيف : شعر