حقى هيرجع -- انتى مين؟

حقى هيرجع -- انتى مين؟

حقي هيرجع ..!!

الدنيا سجاره وخمره وكاس ..
عايش انا باشا وكلي حماس ..
دايس علي حق الخلق بحق ..
واذا كان ع القلب
اهو مات وخلاص ..

قلبك مات ذنبك مش ذنبي ..
حقي انا راح والحق دا دمي ..
سبته وضاع من طبتي وهبلي ..
ومن اليوم راح ارجع حقي ..

حقك مين ؟ غلبان تعبان ..
انا غول يابني مش انسان ..
اخضع احسن
باﻻتي هي احسن ..
غيرك حاول مره زمان ..

ﻻ مش هخضع ، حقي هيرجع ..
انا علي حقي خلاص مستبيع ..
اخرت ظلمك موت وعذاب ..
ظلمة قبر ، عقاب وحساب ..

انت حياتك خمره وكاس ..
غدر وقهر ، مفيش احساس
وانا من ربي خوفي ورعبي ..
ورضاه عني في قلبي اساس ..

اظلم اكتر ، حقي بيكبر ..
خليك كدا دايما متكبر ..
انا وعزمتي بعلو الصوت ..
الله اكبر ، الله اكبر ..

انتي مين ..؟!!

حلمت كتير بجنيه
وانا قاعد وبكتب شعر
تطلعلي فجاءه من الميه
وتقول ياواد كلامك سحر
بس الكلام عندك حزين
مجروح بتنزف بالكلام
زي ماتكون طير في السما
وصياد لئيم صادك اوام
انطق واقول ايه اللي صابك
انا جايه اداوي جرح صابك
عارفه ان الكلام عندك عزيز
لو انس قالك ايه جرالك؟؟
وعشان كدا جتلك اوام
افتحلي قلبك بالسلام
خاصم حروفك بصلي
انطق دا سكوتك انهزام
شكلك حويط وبير غويط
او يمكن تطلع واد عبيط
ماهو اصل جنس البني ادمين
من بره نور من جوه طين
لساك حزين ؟؟

انتي مين ؟؟
وكنتي فين؟؟
لما اتسجنت في وحدتي من سنين؟
كنتي فين؟؟
لما انكويت بنار ظلم البشر الكدابين ؟
كنتي فين؟؟
لما التقيت نفسي عايش بين قلوب ناس ميتين ؟
كنتي فين؟؟
لما اشتريت نفسي بالسكوت رغم السكوت للم .........
لساكي فكره تظهري
طب فكري
وقوليلي ايه راح تعملي
هطلبها منك ، يمكن بسحرك تقدري
بحلم اعيش انسان نضيف من غير قذاره تشدني
بحلم بخير في قلوب بشر من غير قناع يغرني
بحلم انا اكون انا من غير مانفسي تهدني
بحلم اعيش
من غير الم
من غير جراح
من غير ماقلبي يذلني
اوعاكى تبكي
هعمل ايه انا بالبكي
انا عيني ماتت من البكي
انا كنت عارف من البداية
ان الكلام ملهوش رجي
بس انتي قولتي ليا قول
جرحك ليه عندي اكيد دوا
فين الدوا ؟؟؟!!!!!

مضطر أمشي واقول سلام
تعبان اوي ومحتاج أنام
يمكن أنام احلم اوام
أحلام حقيقه مش كلام ..

تصنيف : شعر