حب بقلبك بدون مونتاج

حب بقلبك بدون مونتاج

حدوته حقيقيه ..!!

مين فينا محبش 100 مرة
وف مره وحيدة اتحب بجد
القلب اتكسر من بره
من جوه اهو تلج في عز البرد
مين فينا مقلش انا عايش ليكي
وبيكي هعيش
انتي حياتي وروحي فداكي
حبي لروحك زيه مفيش
وياريتها بتتقال بس ف مره
بدل المره مليون مره
مره X مره يعيد الكره
اعلان فيلم في قلب افيش
حكمه قالوها زمان حبايبنا
قلب الراجل زي الشاي
والبنوته صحيح بسكوته
لحن رقيق معزوف بالناي
والبسكوته تجيب بسكوته
ورا بسكوته تدوب في الشاي
بس ازاي ؟!!
والقاعده ليها بردو شواذ
قلب الراجل زي المانجه
لا تملك سوي بذره وحيده
واحدة وحيدة في قلبه ملاذ
لكن البنت في عصر الفوضي
بطيخه بلدي بقلب ازاز
وبذورها راسمين 100 صوره
لقلوب عاشقين محروقه بجاز
طب ف الانجاز
راح اقولها وامشي
حب بقلبك ومتندمشي
لو كانت بنوته رقيقه
صوره حقيقه
بدون مكياج
والراجل دا صحيح لو راجل
يحب بقلبه
بدون مونتاج

تصنيف : قصص