اكتب ،، لا مش كاتب اليائس كيان مليان حرمان

اليائس كيان مليان حرمان

او حد جبان مالهوش ديّه
او يمكن نار ائيده ودخان
لو مسكت فيك تبقي " ضحية "
هى قضيه ؟!!
لو حاول اليائس يقرب ليك
ارزعه قلمين وارميه الميه
بس ماتيأسش الله يخليك
لو فعلا ليك حلم " ونيه "

اكتب ،، لا مش كاتب

لا راح تكتب ،، لا مش هكتب هو انا بشكاتب
لا مش كاتب هو انا قادر حتي اعاتب
بكفايه كلام وجراح ونواح
او حتى كلام حب وافراح
اوعاك فاكر الكلمه دي اله
الكلمه طول عمرها حاله
لازم تتحس
مش حد يقولي اكتبها وبس
الكلمه دي انثي ليها مشاعر
مش ورقه وحبر في ايد شاعر
وانا بيني وبين الانثي حجاب
بقى بيني وبين الكلمه عتاب
لكن احباب
يمكن هى عليا بتقسي
وكتير وكتير بتكون عاصيه
لكن م القلب اكيد عارفه
اننا اصحاب
انا من غيرها مبقاش واعر
او حتى يادوب فتفافيت شاعر
او يمكن فعلا بشكاتب
بس انا مش كاتب

انا كل مابعمل refresh
بلقي الدنيا بتنهار اكتر
ناس مخدوعه وناس بتغش
وناس ف نفوسها الكره بيكبر .

أعراض انسحاب ..

تحس في عنيها الخجل ..
او حتي خيبه امل ..
تحس كلامها اختلف ..
تحس في كلامها الملل ..
تبعد بعيد عنك ..
عاوزاك تحس بخلل ..
قلبك تئيد ناره ..
عقلك يصيبه الشلل ..
عاوزاك تكون ماضي ..
تبدء حياه تاني ..
احساسها بيك انتهي ..
احساسها بيك فاني ..
اصحي ياقلبي وفوق ..
امسح دموع جارحك ..
انسي خلاص حبها ..
لملم جراح عشقك ..
وان شوفتها صدفه ..
داعب ماضيك واضحك ..

تصنيف : شعر