بس ازاى ؟ انا اسف --- انا الجانى
بس أزاي .. ؟!
بحلم أرجع تاني الدنيا ..
أرجع اعيش أنسان لو ثانيه ..
كره وحقد وكدب خلاص ..
ومن اليوم هكسر بلاص ..
علي بلاويكي يادنيا يافانيه ..
كان ياما كان وحكايه كمان ..
بحلم اعيش فيكي مش ندمان ..
مبقاش حيطه ولاحيوان ..
نفسي ضميري يكون أنسان ..
أرجع اصلي الفرض بفرضه ..
أحمد ربي و أشكر فضله ..
دنيا غروره حقيقه استنو ..
أسمعو مني عشان تتهنو ..
أنا لو منكم أرجع ابيت ..
جوه الجامع ، أبكي واعيط ..
أكره حبك ، ذنبي بحبك
بس أزاي ؟!
في الاصل ..
أنا ميت ..
أنا أسف ..
ولما بتبكي ..
بشوف نفسي هزيل عريان
دموعها بسببي ..
وانا بسببي الجميل زعلان
أنا اسف لاني زمان
أنا اسف وكان قد كان
اقولك إمسحي دموعك
مليش غيرك أنا الغلطان
أنا اسف ياعشق سنين
أنا واحد من المساكين
بيغلط زيه زي الناس
لكن منك مفيش اتنين
هقولها وكل ذنبي العند
هقولها ولو تقيمي الحد
أنا اسف .. أنا اسف
أنا اسف.. حبيبتي بجد ..
انا الجاني ..!!
حلمت بيكي رغم اني بقيت ماضيكي
عشقتي نفسي ، وبردو نفسي جت عليكي
انا شوفت طيفك نور م السما ونظره منك
فتحت في قلبي جراح سنين من ظلمي ليكي
نظره وعتاب ، بسمت شجن
وسكوت طويل رغم الالم
رعشة جفون حلم انسجن
تاهت دموعي وسط بحر من الندم
صوتي انكتم
صوتي انعدم
انا صوتي سلم وانهزم
انا جرحي ليكي كان عذاب فوق احتمال كل البشر
انا عمري ماكنت في يوم بشر
انا كل كلمه مني ليكي عذاب حقيقي جراح ومر
انا كنت فيروس جوا قلبك وانتي سبتيه ينتشر
انا كنت نفسك كنت روحك
انا كنت اعظم من جروحك
وانتي الملاك اللي انكسر
علي يد واحد م البشر
انتي اللي حلمتي معايا حلم
عسل مدسوس في قلبه سم
وفضلتي تروي في قلبي حب
وفضلت اعاند فيكي ظلم
ابوس ايديكي خلاص سماح
اوتاري دابت من النواح
انا عيني غابت من البكي
راح اروي قبرك ليل صباح
صوتك في ودني بكاء ضعيف
عمال بيحبي من بعيد زي الكفيف
وف كل يوم بتيجي فيها تزوري حلمي
بنهار وبلقي صوت ضميري بيلاحقني
انا ياحبيبتي اخدت من النهارده خلاص قرار
انا هفضل جنب منك جنب قبرك في انتظار
وان كان حياتي لسه فيها اعيش ثواني
راح يجي يوم واكون معاكي ليل نهار ..
0 التعليقات:
إرسال تعليق